Bizkaiko Haur Gorren Familia eta Lagunen Elkartea, ULERTUZ, 1999ko urtarrilaren 25ean eratutako irabazi-asmorik gabeko elkartea da. FEVAPAS elkartearen baitan (Euskal Herriko Gorren Lagunen eta Gurasoen Elkarteen Federakundea) federatuta dago, Bizkaiko eskualdean urritasuna duten neska-mutilen eta horien familiei laguntzeko dauden hutsuneak betetzeko helburu nagusiarekin sortua.

 

Helburu horrekin, ULERTUZek ondorengo zerbitzuak eskaintzen ditu:

  • Informazio, orientazio, arreta eta aholkularitza zerbitzua familiei eta horiekin eta euren seme-alabekin harremanetan dauden beste eragileei.
  • Diagnosi  zerbitzua, arreta psikologikoa eta orientabide pedagogikoa (profesional independenteekin eta kolektibo honekin lan egiten duten beste erakunde batzuekin lankidetzan).
  • Logopedia zerbitzua.
  • Laguntza Goiztiar zerbitzua.
  • Entzumen Urritasuna (aurrerantzean EU) duten Bizkaiko neska-mutilen eta gazteen sozializaziorako dauden oztopoak ezabatzeko zerbitzua (jarduera zehatzak erakundean eta erakundetik kanpo; ohiko inguruneetan garatzen diren jardueretara egokitzeko lana...).
  • Laguntzeko Zerbitzua familiei eta profesionalei (eskaera zehatzen kudeaketa)
  • Buruzagi politikoei, administrazio publikoei eta gizarteari orokorrean zuzendutako informazio eta sentsibilizazio zerbitzua.
  • Aholkularitzarako zerbitzua diru-laguntzak, laguntzak eta errebindikazio administratiboak izapidetze aldera.
  • Gorreria duten pertsonei eragiten dieten gaiekin lotura duten hitzaldien, konferentzien, ikastaroen, jardunaldien, eta abarren antolaketa (profesionalei eta familiei zuzendua).
  • Estatu mailako jardunaldietan/batzarretan parte hartzea.
  • Erakundearen beraren eta Entzumen Urritasunarekin lotutako arlorrei buruzko informazioaren hedapena bide ezberdinen bidez: Ulertzen aldizkaria, erakundearen web orria...
  • Erakunde publiko eta pribatuen koordinazioa, Entzumen Urritasuna duten neska-mutilen eta horien familien arretari dagokionean.

ULERTUZ-EN HELBURUAK

Abian jarri nahi diren zerbitzuak kontuan hartuz, gure elkartearen HELBURU OROKORRAK hauek dira:

  • Bizkaiko Lurraldean EU duten neska-mutilei eta gazteei eta horien familiei laguntza zuzena sustatzea eta eskaintzea.
  • Kolektibo horren ordezkari izan eta bere eskakizunak kudeatzea.
  • Familien Elkartegintza koordinatzea eta indartzea.
  • EU duten neska-mutilei gizarte eta eskola arloetan parte hartzen laguntzea, euren beharrak aintzat hartuz, eskubideak defendatuz eta familiei eta eskatzen duten profesionalei ere orientazioa, baliabideak eta laguntza emango dizkieten zerbitzuak eskainiz, euren gizarteratzea ahalbidetze aldera.
  • Administrazio Publikoaren erakundeetatik (Foru Aldundia, Eusko Jaurlaritza, Udaletxeak...) neska-mutil horien eta euren familien behar ezberdinekiko arreta sustatzea, bakoitza aurrera eraman beharreko esku-hartzeen erantzule izan dadin.
  • Familien prestakuntza eta parte hartzea bultzatzea EU duen seme-alabaren hezkuntza-prozesuan eta elkartegintzan.
  • Irakasleen eta espezialisten prestakuntza optimizatzea.
  • Populazio gorra, familiak, profesionalak, buruzagi politikoak, administrazio publikoak eta gizartea informatu eta sentsibilizatzea.
  • Arlo honetan lan egiten duten elkarteen eta erakundeen lankidetza eta koordinazioa sustatzea.

ULERTUZ-EN XEDEA

ULERTUZ Elkartearen XEDE nagusia KOMUNITATE SARE-tik eskaintzen diren zerbitzuak berbideratzea da. Elkarteak hobekuntzen barnerapena orientatzeko erakundea izan nahi du, Bizkaiko neska-mutil gorrak errespetatuak izan daitezen, gizabanakoen erantzunak koordinatuz, horrek zerbitzuen hobekuntza orokorra eragin dezan ezberdintasuna errespetatzen duen eta kide guztiei zerbitzuak eskaintzen dizkien gizartean.

Horrela, ULERTUZen ondokoentzat egiten dugu lan:

  • FAMILIAK. Euskadin eta bereziki Bizkaian dauden zerbitzuen berri ematen diegu eta beraien eta entzumen-arazoak dituzten seme-alaben beharrei erantzuteko ekintzak garatuz erantzuten diegu.
  • NESKA-MUTIL ETA GAZTE GORRAK. Gure izatearen arrazoia dira. Beraz, gure ekintzak beraien prestakuntzara eta bizitzaren arlo ezberdinetan parte hartzera bideratzen dira. Horretarako, prozesu horiek zaildu ditzaketen oztopoak ahalik eta txikienak izaten saiatzen gara.
  • GIZARTEA. Entzuteko urritasunaren arazoaren aurrean sentsibilizatzen dugu, gorreriaren prebentzioa, diagnostiko goiztiarra eta berehalako errehabilitazioa sustatuz, komunikazioko oztopoak ezabatzeaz gain, eta azkenean, euren parte hartze sozial betea lortzeko.
  • ADMINISTRAZIOAK. Entzuteko urritasunarekin lotutako arazoei irekiagoak izan daitezen saiatzen gara, gai honetan indarrean dagoen legedia betetzea eskatuz, eta hobekuntza eta garapena bultzatuz.

Elkarte moduan behar dituzten lekuetara baliabideak eta erantzunak hurbiltzeko programak garatzen saiatzen gara. Ekintza horiek guztiz partekatzen dira neska-mutil gorren familien Elkarteekin eta Federazioekin.