LAGUNTZA ETA ARRETA ZERBITZUA FAMILIEI

Hauek dira zerbitzu honen helburu orokorrak:

  1. Bizkaian entzumen arazoak dituzten seme-alaben familien bizi kalitatea hobetzea.
  2. Bizkaian Entzumen Urritasuna duten neska-mutilen eta gazteen bizi kalitatea hobetzea.
  3. Bizkaian EU duten neska-mutilen, gazteen eta euren familien eskubideak eta interes globalak defendatzea gizartearen, administrazioaren eta gainerako erakundeen aurrean.

Horretarako, elkarren artean koordinatuta egongo diren jardueren multzo bat jarri da abian:

  • ORIENTAZIOA, INFORMAZIOA ETA LAGUNTZA FAMILIEI: landu beharreko oinarrizko arloak, gehienbat diagnostikoa jaso berri duten familien kasuan. Lantzen saiatzen garen zalantza ohikoenak hauek dira: zein eskolatze mota izan ahalko du nire seme-alabak?, zein da izan dezakeen erantzun mediku protesi onena, audiofonoa, inplante koklearra?, parte har al dezake jarduera kulturaletan informazioa atzitzeko berdintasunez, gainerako neska-mutilek bezalaxe?...
  • BALIABIDEEN KUDEAKETA: familien jabekuntzan eta bizi duten errealitateari aurre egiteko gaitasunean ezinbestekoa.
  • GIZABANAKOEN ESKAEREN KUDEAKETA: familietatik edo eragileetatik datoz eta euren jarduerek bertan eragingo dute.
  • ARRETA MEDIKOA, PSIKOLOGIKOA ETA HEZKUNTZA INDARGARRIA: kolektibo honekin lan egiten duten profesional independenteen eta erakundeen laguntzarekin, ahalik eta erantzun profesionalena ematen saiatzen gara.
  • ARRETA LOGOPEDIKOA: helburu nagusia  ahozko eta idatzizko hizkuntza ikasten erraztea eta laguntzea da, bai neska-mutilei, bai entzumen urritasuna duten gazteei (6-8 urte).
  • AHOLKULARI GORRAREN ZERBITZUA: familien komunikazioko arloan garatutako lana aukeratzen duten familientzat; eta hezkuntzako arloan garatutakoa, proiektu elebidunean dauden ikasleentzat eta bertan lan egiten duten irakasleentzat.
  • PRESTAKUNTZAKO ETA HAUSNARKETAKO TALDEAK FAMILIENTZAT: berebiziko garrantzia du, familiei tresnak, eguneroko bizitzan erabili ahalko dituzten baliabideak ematen baitizkie.
  • PROFESIONALEN PRESTAKUNTZA: oso alor garrantzitsua, kolektibo honi arlo ezberdinetan emango zaion erantzuna kalitatezkoa izatea nahi badugu.
  • INFORMAZIOAREN HEDAPENA – SENTSIBILIZAZIOA: biztanleriaren hainbat sektoreri zuzendutako ekintzak, Entzumen Urritasuna eta horren eraginak hurbiltzeko asmoz.
  • BIBLIOGRAFIA FUNTSA ETA IKUS-ENTZUNEZKO BALIABIDEAK: familiek eragiten dizkieten intereseko eta egungo gaietara sarbide handiagoa izan dezaten.
  • ELKARTEGINTZA: erakundearen oinarrizko zatia, kontaktua, familien artean esperientziak elkarbanatzea... sustatzen dena

GIZARTERATZEAN OZTOPOAK EKIDITEKO ZERBITZUA

Gizarteratzean oztopoak ekiditeko zerbitzua sortzearen xedea Bizkaian Entzumen Urritasuna duten neska-mutilek eta gazteek Aisiaz eta elkarren arteko erlazioez gozatzera bideratuta dauden jardueretan parte hartzeko duten eskubideari erantzutea da.

Horretarako, jolas egiteko eremuak sortzea proposatzen da, eta aisia eskuragarri, pertsonal eta jarduerako bide moduan garapen integrala ezarriko da.

Planteamendu horrek esku-hartzeko bi bidetara garamatza:

  • Elkarteak hainbat jarduera antolatuko ditu: tailerrak, asteburuko irteerak, ibilaldiak, udako udalekuak... Horiek guztiek garapeneko etapa bakoitzeko adinari eta beharrei daude egokituta.
  • Aisia eta Astialdia jarduerak eskaintzen dituzten gizarteko beste agenteekin eta erakundeekin koordinazioa, entzumen urritasuna duten neska-mutilek eta gazteek zerbitzu horiek modu normalizatuan jasotzeko aukera izan dezaten, horien garapen pertsonala ahalik eta gehien sustatuz.

LAGUNTZA GOIZTIAR ZERBITZUA

Zerbitzu honen helburua bizitzaren lehen urteetan entzumen galera antzematen zaien neska-mutilen inguruan sortzen diren beharrei erantzuna ematea da. Etapa erabakigarria izango da, garapen linguistikoaz eta komunikatiboaz gain, garapen kognitiboa eta emoziozkoa arriskuan egoten baitira. Hori guztia dela eta, proposatzen dugun esku-hartzeak neska-mutilekin parte hartzeaz gain, euren inguru hurbilenarekin ere parte hartzea barneratzen du; hau da, familiekin, ikastetxeekin eta hainbat profesinalekin....

 

      • Gurasoei emoziozko laguntza esdaintzea euren seme-alabari entzumen urritasuna antzemateak sortzen duen krisia gainditzen lagundu eta egoerari eta agertzen joango diren zailtasunei aurre egiteko baliabide propioen garapenean lagundz.
      • Euren seme-alabekin elkarrekintzazko eta komunikazioko jarraibide egokien inguruan familiak orientatzea.

bestalde, batez ere hezkuntza arloan, beste profesional batzuekin egindako esku-hartze horren barruan , aholkularitza lana ere egiten dugu, haur horiek ikastetxeetatik jasotzen dituzten erantzunak haien beharretara egokitutakoak eta egokiak izan daitezen, batzuetan ez baita informazio eta prestakuntza nahikorik izaten haientzat jardunbiderik egokienak zein diren jakiteko.

LOGOPEDIA ZERBITZUA

Zerbitzu hori  Entzumen Urritasuna duten gazte eta haurren ahozko hizkuntzaren estimulazio eta errehabilitaziora zuzenduta dago. Maila horretan esku hartzen duten estrategia eta metodologiak kasu ugaritara egokituko dira: haurraren adina, erabiltzen duen protesia, une horretara arte lortutako hizkuntzaren garapena...

Zerbitzu horren barruan esku hartze nagusia haurrekin egindako zuzeneko lana den arren, familiei aholkuak eta trebakuntza emateko lana ere egiten da, prozesuan parte hartzen duten beste profesional batzuen koordinazio etengabeaz gain.